ဘာဗ်ဘုရားရှင်

ဘာဗ်ဘုရားရှင်

ဘာဗ်ဘုရားရှင်- ဘဟာအီသာသနာ၏ ရှေ့တော်ပြေးကြွလာပွင့်တော်မူသည့်အရှင်

၁၉-ရာစုအလယ်ပိုင်းသည် ကမ္ဘာ့သမိုင်းတွင် အဆိုးရွားအကြမ်းတမ်းဆုံးသော အချိန်ကာလဖြစ်သည်။ ထိုအချိန်တွင် ကုန်သည်လူငယ်တစ်ဦးက သူသည် ရှေးဘုရားတို့၏ ဗျာဒိတ်တော်နှင့်အညီ ကြွလာပွင့်တော်မူပြီး လူသားအားလုံး၏ ဘဝများကိုပြောင်းလဲပေးတော်မူမည့် ဘုရားရှင်တစ်ဆူ ဖြစ်တော်မူကြောင်း ကြေငြာ တော်မူခဲ့သည်။ အရှင်စံမြန်းနေထိုင်သည့် တိုင်းပြည်အီရန်နိုင်ငံတွင် ထိုအချိန်က စာရိတ္တပိုင်းဆိုင်ရာ အနိမ့်ကျဆုံးသော အခြေအနေကို နေရာအနှံ့အပြားတွင် တွေ့ကြုံနေရသည်။ အရှင်၏ ကြေငြာတော် မူချက်သည် လူတန်းစားအလွှာစုံကို စိတ်လှုပ်ရှားမှုနှင့် မျှော်လင့်ချက်တို့ဖြင့် နှိုးဆွပေးလိုက်ပြီး ထောင်ပေါင်း များစွာသော နောက်လိုက်တို့သည် လျင်မြန်စွာ တိုးပွားလာခဲ့သည်။ အရှင်၏ အမည်နာမတော်မှာ အာရဗီဘာသာစကားဖြင့် “ဘာဗ်” ဟူ၍ဖြစ်ပြီး “ဘုရားသခင်နိုင်ငံတော်သို့ ဝင်ရောက်ရန်တံခါး” ဟုအဓိပ္ပါယ်ရပါသည်။

အရှင်သည် လူသားများ၏ နိမ့်ကျနေသော ဝိညာဏပိုင်းဆိုင်ရာနှင့် စာရိတ္တပိုင်းဆိုင်ရာကို မြှင့်တင်ရန် ဖိတ်ခေါ်တော်မူခြင်းနှင့်အတူ အမျိုးသမီးများနှင့် များစွာသောသူဆင်းရဲများ၏ အဆင့်အခြေ တိုးတက်မြင့်မားစေရန်အတွက် ကြွလာပွင့်တော်မူခြင်းဖြစ်သည်။ တစ်ချိန်တည်းမှာပင် အရှင့်နောက်လိုက်များ၏ ဘဝအသက်တာများကို အရှင်၏ ဆုံးမသြဝါဒများဖြင့် ပြောင်းလဲမြှင့်တင်ပေးခဲ့ပြီး သာသနာတော်အတွက် အရှင့်နောက်လိုက်များသည် သူရသတ္တိပြည့်စုံစွာဖြင့် လူသားလောကအတွက် အရှင်၏ ရည်ရွယ်ချက်ကို ဝိုင်းဝန်းဖြည့်ဆည်းရင်း အသက်ပေးလှူခဲ့ကြသည်။ ဘာဗ်အရှင်မြတ်သည် လူသားများအတွက် ရာစုသစ် တစ်ခု၏ တံခါးဝပင်ဖြစ်သည်။ အရှင့်သာသနာတော်၏ သက်တမ်းသည် ခြောက်နှစ်ခန့်သာကြာမြင့်ခဲ့သည်။ ဘာသာသာသနာအားလုံးမှ ဘုရားရှင်များ၏ ဗျာဒိတ်ပေးတော်နှင့်အညီ ဘာဗ်ဘုရားရှင်၏ သာသနာတော်သည် လူသားအားလုံးတို့ ကိုးကွယ်ရာအရှင်၏ ဆန္ဒတော်အရ လူသားများအတွက် ငြိမ်းချမ်းခြင်းနှင့် တရားမျှတခြင်းခေတ်တော်ကို ပြောင်းလဲပေးတော်မူရန် ယနေ့ခေတ်အတွက် ကြွလာပွင့်တော်မူသည့် အလင်းတော်ရဘုရားရှင် ဖြစ်တော်မူသော ဘဟာအွလ္လာဘုရားရှင်၏ လမ်းကြောင်းကို ကြိုတင်ပြင်ဆင်ပေးရန် အတွက်ဖြစ်သည်။

“အရှင်၏ ဘဝအသက်တာကို လူသားများသည် အကြီးကျယ်အခမ်းနားဆုံးသော သူရသတ္တိ၏ စံနမူနာများထဲမှ တစ်ခုအဖြစ် ရှုစားရန် အခွင့်အလမ်းကိုရရှိခဲ့ကြသည်။”