အရွယ်ရောက်သူတို့အတွက် စာရိတ္တပညာရေး


ယနေ့ခေတ် လူ့လောကအတွက် ဘဟာအွလ္လာဘုရားရှင်ကြွလာပွင့်တော်မူခြင်း၏ ရည်ရွယ်ချက်မှာ လူတစ်ဦးချင်းနှင့် လူမှုအဖွဲ့ အစည်းနှစ်ခုစလုံးကို ကြီးမားသော အသွင်ပြောင်းလဲမှု ဖြစ်ပေါ်စေဖို့ရန်ဖြစ်သည်။ ကြီးမားသော အသွင်ပြောင်းလဲမှုဟုဆိုရာတွင် ယိုယွင်းပျက်စီးနေသော လူတို့၏နှလုံးသားများကို ကောင်းမွန်သော၊ နူးညံ့သိမ်မွေ့သော၊ အခြားသူများ၏ ကောင်းကျိုးအပေါ် ပီတိအဖြစ်ခံစားနိုင်သော နှလုံးသားများအဖြစ် ပြောင်းလဲဖို့ရန်ဖြစ်သည်။ လူတစ်ဦးချင်းနှင့် လူမှုအဖွဲ့အစည်း အသွင်ပြောင်းလဲဖို့ရန် လိုအပ်သော အသိပညာကိုရယူ၍ လက်တွေ့ကျင့်သုံးနိုင်ဖို့ စုပေါင်းပါဝင်၍ လေ့လာဆွေးနွေးကြသည်။

 

Camera 360

 

လူတစ်ဦးချင်း အသွင်ပြောင်းလဲမှု လုပ်ဆောင်ရာတွင် ပတ်ဝန်းကျင်ရှိ အရာအားလုံးကို ဖြတ်တောက်၍ နေထိုင်ခြင်းမဟုတ်သကဲ့သို့ တစ်ကိုယ်ရည် အကျိူးစီးပွားအတွက်သာ လုပ်ဆောင်ခြင်းလည်းမဟုတ်ပေ။ လူတစ်ဦးချင်းစီ၏ အတွင်းပိုင်း နှလုံးသားသည် ဖြူစင်လာပြီး ပတ်ဝန်းကျင်ရှိ အခြားသူများ၏ ကောင်းကျိုးဖြစ်ထွန်းစေရန် လုပ်ဆောင်ခြင်းသည် စစ်မှန်သော အသွင်ပြောင်းလဲမှုပင်ဖြစ်သည်။ ထို့ကြောင့်ပင် ပထမဆုံးအနေဖြင့် တစ်ကိုယ်ရည်အသွင် ပြောင်းလဲဖို့ရန် လိုအပ်သည်။

 

လူတစ်ဦးချင်း ပြောင်းလဲတိုးတက်မှုနှင့် လူ့အဖွဲ့အစည်း ဖွံ့ဖြိုးတိုးတက်မှုတို့မှာ ခွဲခြား၍ မရနိုင်ပေ။ သူ့ခေတ်ချိန်အခါအတွက် ကြွလာပွင့်တော်မူသည့် အလင်းတော်ရ ဘုရားရှင်များ၏ ဆိုဆုံးမစကားများကို လေ့လာ၍ လက်တွေ့လိုက်နာကျင့်သုံးခြင်းနှင့် ဘုရားရှိခိုးခြင်းတို့ ပေါင်းစပ်လိုက်သည့်အခါတွင် လူတစ်ဦး၏ အသွင်ပြောင်းလဲမှုကို ဖြစ်စေသည်။ အပြည့်ဝဆုံးသော တစ်ကိုယ်ရည် အသွင်ပြောင်းလဲမှုသည် မိမိတို့၏ဘဝများကို နှစ်မြုပ်၍ လူသားကောင်းကျိူးအတွက် အမှုထမ်းခြင်းပင်ဖြစ်သည်။

 

တစ်ကိုယ်ရည် အသွင်ပြောင်းလဲမှုအတွက် လိုအပ်သောစွမ်းရည်များ၊ ရှိသင့်ရှိထိုက်သည့် အသိပညာများကို ပြည့်ပြည့်စုံစုံနှင့် နည်းစနစ်ကျနစွာ သိရှိစေရန်နှင့် ၎င်းတို့ကို လက်တွေ့ကျင့်သုံးနိုင်စေရန် လေ့လာရေးဝိုင်းရှိ သင်ခန်းစာတစ်ခုချင်းစီက မီးမောင်းထိုးပြထားသည်။ လေ့လာရေးဝိုင်းတွင် လူငယ်၊ လူကြီးများ၏ အတွေးအခေါ်များ၊ အယူအဆများနှင့် ပြုမူဆောင်ရွက်ချက်များကို ပြောင်းလဲပေးနိုင်သည့် အနှစ်သာရများစွာဖြင့် တစ်ဆင့်ချင်း တစ်ဆင့်ချင်း ပုံဖော်တည်ဆောက်ထားသည်။ ဤနည်းဖြင့် လေ့လာရေးဝိုင်းများတွင် ပါဝင်လေ့လာခြင်းဖြင့် မိမိတို့၏ ဝန်းကျင်ရှိကလေးများအား နည်းစနစ်မှန်ကန်သော စာရိတ္တအခြေခံအုတ်မြစ်ကို တည်ဆောက်ပေးခြင်း၊ တတ်သစ်စလူငယ်များ၏ စွမ်းရည်ကို ပျိူးထောင်ပေးခြင်း၊ မိမိတို့၏ ပတ်ဝန်းကျင်ရှိလူငယ်၊ လူကြီးတို့နှင့်အတူ အဓိပ္ပါယ်ရှိ်သော စကားများပြောဆိုခြင်းနှင့် အခြားသူများ၏ စွမ်းရည်များကို ပျိူးထောင်ပေးခြင်းစသည့် လူသားလောက ပိုမိုတိုးတက်ကောင်းမွန်ရေးအတွက် အမှုထမ်းခြင်းလုပ်ငန်းများကို လုပ်ဆောင်နိုင်မည်။